غنية \ حب ما لوش اخر \ شعر الشاعر \ جمال الشرقاوى \

اغنية \ حب ما لوش اخر \

شعر الشاعر \ جمال الشرقاوى \

اقولك ايه
و الشوق ف عنيه ماليها
و اقولك ليه
م دم قارى اللى انكتب فيها
و مهما تقوللى مش عارف و لا دارى
و لو تتقل
كأنك لسة مش قارى
هحبك حب مالوش اخر
انا هصبر عليك بقى و استنى
و ف نور عنيك ابقى فى جنة
دة اكيد يا جارحنى هتتمنى
الحب ف يوم تعشق نارى
و تجينى و اقولك احلامى
و تعيش ف عيونى و ايامى
و اعرف جواك ايه مدارى
اقولك ايه
و الشوق ف عنيه ماليها
و اقولك ليه
م دم قارى اللى انكتب فيها
و مهما تقوللى مش عارف و لا دارى
و لو تتقل كأنك لسة مش قارى
هحبك حب ما لوش اخر
و هكدب ليه
م دم روحى بتعشق روحك
و ادارى ليه
و الوم نفسى م انا طوعك
دة اهل العشق بسألهم و قالولى
و لا احتار
و لا اعذار ووصفولى
اعرف احبك و افضل جنبك
و اخلى الدنيا حب ف قربك
و اعرف ايه شاغلك يا شاغلنى
ساعتها تبوحلى باسرار قلبك
و الدنيا تفتح قدامى
و الكون هيردد انغامى
علشان حبيتك و انا شارى
اقولك ايه
و الشوق ف عنيه ماليها
و اقولك ليه
م دم قارى اللى انكتب فيها
و مهما تقوللى مش عارف و لا دارى
و لو تتقل
كأنك لسة مش قارى
هحبك حب مالوش اخر

كتبت هذه الاغنية فى القاهرة \ يناير \ السبت
18 \ 1 \ 2000 م
من ديوان " جلادين الكون "
جمال الشرقاوى
[ صحفى \ وكالة انباء مصر \ ]