قصيدة \ نانو التونسية \
شعر \ جمال الشرقاوى \
اهدى هذه القصيدة لصديقى عاشق الشعر الاستاذ \ شريف نعمان \
قالوا البشر
يا " سيرين " عليَّه
المصرى حب التونسيَّة
قلت مصرى بحب نانو
او " سيرين " العاشقة ديَّه
حبيتها قوى من كل قلبى
رغم فارق العمر اللى بينا
شفتها ملكة جمال
السعوديَّة
الليبيَّة
السودانيَّة
نانو اميرة فى قصرها
زى فينوس لبنانيَّة
فلسطينيَّة
سوريَّة
اردنيَّة
جزائريَّة
مغربيَّة
شفتها ارق نسمة
ناعمة زى الخليجية
طيبة لكن دمتعها قريبة
دايما بتبكى زى احلى افريقيَّة
شفت فيها كل مصر
شفت فيها عيون بهيَّة
نانو
قلب اخضر بس لكن
كبرت قوى بالوفاء
قد الدنيا فى عنيَّه
انا اكبر منها كمان كتير
اكبر منها كمان شويَّة
نانو شابَّة صغيَّرة
بقلب طفلة صغيَّرة
بتقوللى " قدرى انى بحبك "
" هعمل ايه " ؟!
فى المشاعر اللى بيَّه
نانو شابَّة صغيَّرة
بقلب واعى
عقل واعى
و ليها اراء سياسيَّة
نانو
قصيدة م الاشواق طويلة
غزالة بس تونسيَّة
الشعر ليل و لونه ضىِّ
و انا قلبى ضيف عليه و جىِّ
يقضى معاه ايام هنيَّة
نانو
حبنا قدر و ملحمة
بيعلىَ عن اى تاج
ايه تبقى جنبه الاوسمة
دة انتى موج و ثورة جايَّة
ثورة غضب فى العشق لكن
كل القلوب تتعلم
من حبنا ازاى تعبَّر عن نفسها
كل الشعوب يا نانو
تتعلم من حبنا الحريَّة
دموعك عقد ماس
الماظ عقيق
دمِّك عقيق
عيونك السود
فيهم النظرة شجيَّة
نانو
انتى اوطانى
احلامى
افكارى السرمديَّة
كل ما فيكى
هو هو اللى فيَّه
الامانى و الطوح
تونس
مصر
مصر
تونس
كل البلاد العربيَّة
من حبنا يا احلى نانو
بفضل الله
اتوحدت فيها الهويَّة
خلاص من حبك انا
اصبحت تونس
و انتى يا نانو الشقيَّة
يا صغيَّرة
احلى من اى صبيِّة
عشتى فيَّة
جوة دمِّى
نهارى و ليلى
بقيتى نيلى
و الجبال و البحار و الاراضى
و السما المصريَّة
بس حبك استحالة
يكون فى العمر مرتين
استحالة يكون يا نانو
فيه عاشقة زيك لكن قويَّة
الضعف منك فى الحب قوة
و الصبر منك كتير و لكن
بيقوللى انك مؤدبة
و كيان شخصيَّة
م اعرفش انتى ايه
سما عالية واخدانى ليها
و لا انتى جذرى
اصلى
ارض فيها جاذبيَّة
نانو
انتى عارفة انى بحبك
بدوب فى كل حتة فيكى
بنسى نفسى
بنسى انى شاعر
انى كاتب
بنسى افكارى الابيَّة
بنسى من رقتك
كل عمرى
بتوه معاكى
ببقى حد تانى
من غير عصبيَّة
انتى دنيا مخبيانى
و لا جنة مهنيانى
ببقى فيها شخص تانى
احلى م الاولانى
بكون طبيعى و لا عادى
بس هى
احلى نانو التونسيَّة
مش عاديَّة
كتبت هذه القصيدة فى القاهرة \ يوليو \ الجمعة
1\ 7 \ 2011 م الساعة 3 عصرا
جمال الشرقاوى
[ صحفى \ وكالة انباء مصر \ ]
