قصيدة \ حكايتى \ شعر \ جمال الشرقاوى \

قصيدة \ حكايتى \

شعر \ جمال الشرقاوى \

هذه القصيدة عن فلسطين

و كنت روح عايشة ف بستان
زهرة من بين الزهور
و انا بنت بلدى و من زمان
حكايتى دمعة بين سطور
انا كنت طفلة صغيرة
عيونها شمعة منورة
كان عندنا الاشجار كتيرة
فيها الثمار و معطرة
و كنت روح عايشة ف بستان
زهرة من بين الزهور
م كنتش اعرف ايه البكا
و لا العذاب و لا الشقا
و بحب ف جناح الحمام
يرسم سلام فوق السما
و امشى فوق كل الروب
زى نجمة طايرة ف الغروب
و الدنيا كلها ملكى
و لا شفت ايه كان ف الغيوب
و كنت روح عايشة ف بستان
زهرة من بين الزهور
و انا بنت بلدى و من زمان
حكايتى دمعة بين سطور
قدر و جالنا من النسيان
جالنا و بيزور البستان
دمر اشجارى و زهورى
و خلانى حطام انسان
ازاى ف لحظة كدة انتهينا
و الكون غابة جوة عنينا
اه لو نرجع تانى تانى
و الامانى تعيش حوالينا
و ارجع روح عايشة ف بستان
زهرة من بين الزهور
دنا بنت بلدى و من زمان
حكايتى دمعة بين سطور

كتبت هذه القصيدة فى القاهرة \ ديسمبر \ الاحد
20 \ 12 \ 1997 م الساعة 30و4 فجرا
جمال الشرقاوى
[ صحفى \ وكالة انباء مصر \ ]

» قصيدة \ نانو اخر حب \ شعر \ جمال الشرقاوى \
» قصيدة \ طيُورْ شعر جمال الشرقاوى
» قصيدة \ إعتقال شعر \ جمال الشرقاوى
» قصيدة \ لا تتركينى \ شعر \ جمال الشرقاوى \
» قصيدة \ إلهام \ شعر \ جمال الشرقاوى \