اغنية \ الطفل الشهيد \ كلمات الشاعر \ جمال الشرقاوى \

اغنية \ الطفل الشهيد \

كلمات الشاعر \ جمال الشرقاوى \

و بيسألوا إيه كان جرىَ
ناس قالوا دة الطفل الشهيد
قالوا مش مكانه فى الثرىَ
ف عنينا طال عمره الجديد
جوانا هينام الوليد
و انا لحن الشهيد الحر
بطل باقى بغنى الفخر
و انا كفنه و انا لحده
و انا دمه ف ريحتى النصر
يا للى شايلنى بدموعكم
و فروها ليوم رجوعكم
إيه عملتم هل حاربتم
لو تقوموا من سباتكم
أمى بكت أكتر منكم
و بيسألوا إيه كان جرىَ
ناس قالوا دة الطفل الشهيد
م كتبوا إسمه ف السما
من ألف عام ف يوم يعود
نايم بأحلام الوليد
م تبكونيش فيه كام شهيد
مات زىِّ فى كل البلاد
للقبر ضمة زى أمى
حنينة لطول الأماد
و اذا الملكين هيحاسبونى
هيتكلم رصاص الغدر
هيدمَّعوا و يضمونى
يحوِّلوا الظلام نور فجر
ف جنة خلد طول العمر
و لا تسألوا إيه كان جرىَ
إلا لو نلتو الشهادة
بتمنى ارجع عشان وطنى
و الاقى ف الموت الولادة
اه يا فرحتى هكون شهيد

كتبت هذه الاغنية فى القاهرة \ يناير \ الاربعاء
13 \1 \ 1999 م 25 رمضان الساعة 2 ليلا
جمال الشرقاوى
[ صحفى \ وكالة انباء مصر \ ]