أغنية \ الشهدا \ كلمات \ جمال الشرقاوى \

أغنية \ الشهدا \

كلمات \ جمال الشرقاوى \

إحنا الشهدا ف الرضوان
حيتنا ف ضيافة الرحمن
عايشين بنسبح ف الخلود
نهر على طول الزمان
و نسينا ويل الدنيا فيه
بالحور العين ويا النعيم
هنا الضيا أرواح تغنى
باسم الجبار الرحيم
إحنا الشهدا ف الرضوان
حياتنا ف ضيافة الرحمن
عايشين بنسبح ف الخلود
نهر على طول الزمان
دم الشهيد زى نور جديد
طاهر بيمشى ف سكته
ريشة إله بديع قدير
حيا جراحه و قسوته
بيقوم و يجرى ع الصراط
من غير و لا كلمة عتاب
بالجهاد ف سبيل الله
إتمتعوا من غير حساب
إحنا الشهدا ف الرضوان
حياتنا ف ضيافة الرحمن
عايشين بنسبح ف الخلود
نهر على طول الزمان

كتبت هذ الاغنية فى القاهرة \ نوفمبر \ الثلاثاء
26 \ 11 \ 1996 م الساعة 3 عصرا
جمال الشرقاوى
[ صحفى \ وكالة انباء مصر \ ]