قصيدة \ نانو اخر حب \ شعر \ جمال الشرقاوى \

قصيدة \ نانو اخر حب \

شعر \ جمال الشرقاوى \

" نانو " اخر حب
و الغنوة و الموال
حب ماضى
حب حاضر
يتحس ما يتقال
" نانو "
شوق فى قلبى
دم ف وريدى
اجابة تايهة ف الف سؤال
" نانو "
طلعت اصيلة ف حبها
حبى نبض ف قلبها
لما اغيب تسأل عليَّه
تدوِّب القسوة اللى فيَّه
ايش جابها للاندال
اللى عاملة الدين ستارة
بتقول انا خضرا الشريفة
و هى دايرة ف كل شارع
كل سد و كل حارة
عندها الادب كلمة و خيال
الا " نانو " التونسية
ما تقوليش " الاسوانية "
" الاسوانية " اتغيَّرت
الا " نانو " هى هى
ملهاش ف اللف و الجدال
تبكى م الاشواق ليالى
تنتظرنى لمَّا ارجع
لمَّا آكل لمَّا أشرب
لمَّا اهيَّأ بس حالى
الاقيها صابرة كالجبال
" نانو " لسَّة صغيَّرة
بتحيَّرنى
بتسهَّرنى
بتودينى بحور و تجبنى
و انا بطاوعها ليالى طوال
تسلمى يا احلى " نانو "
يللى قلبك
اطيب من قلوب الغدارين
اللى فاكرة نفسها شهيَّة
و اللى عايشة فى دور " دليلة "
و لا " ليلى العامريَّة "
بالكتير دى " اسوانية "
مصيبة جامدة ع اللى شال
يا بخته اللى هيفارق و يمشى
بقاله سنين تعبان م نامشى
اسوانية
ختى من " عبلة " السمار
و اديتى " عنتر " عذاب و نار
لوِّنتى حاله زى جلده
خلتيه فى اشرّ حال
ارجع و اقولك
بس " نانو " الصغيَّرة
هى الملكة و ليها التاج
هى البيضا و قلبها ابيض
هى الفرسة و انا الخيَّال
عيونها جميلة
شعرها ناعم
" نانو " حبيبتى احلى غزال

كتبت هذه القصيدة فى القاهرة \ يوليو \ الجمعة
8 \ 7 \ 2011 م الساعة 35و5 صباحا
جمال الشرقاوى
[ صحفى \ وكالة انباء مصر \ ]